Şorqoğal

• 1 kq un
• 2 ədəd yumurta
• 3 stəkan süd
• 1x/q duz
• 2 x/q sarıkök
• 1 ç/q quru maya

• 2 stəkan un
• 12 x/q əridilmiş kərə yağı
•  ç/q duz
• yarım çay qaşığı istiot
• 1 x/q sarıkök
• 2 x/q razyana
• 2 ç/q cirə

• yumurta sarısı
• xaş-xaş və ya razyana

• 450 qr əridilmiş kərə yağı

1. Öncə xəmiri hazırlayırıq. Mayanı 1 stəkana töküb, üzərinə 3 x/q ilıq süd əlavə edirik.10 dəqiqə köpüklənənədək gözləyirik. 3 stəkan südü qazana töküb, ilıq olanadək ocağın üzərində saxlayırıq. İlıqlanmış südü ocaqdan götürüb, üzərinə sarıkök əlavə edib, qarışdırırıq. 1 kq unu iri bir qaba ələyib, üzərinə mayanı, duzu, yumurtanı və 2 stəkan südü töküb, xəmir yoğururuq. Ehtiyac olarsa, yenə süd əlavə edirik.  Yumuşaq xəmir əldə edənədək yoğururuq. Üzərinə sellofan çəkib, odealla örtürük. 2 saat ərzində xəmirin acımasını gözləyirik.

2. Xəmirin hazır olmasını gözlədiyimiz müddətdə içlik hazırlayırıq. Unu isti tavaya töküb, ocağın üzərində durmadan qarışdırırıq. Un qızılı rəng alanda ocaqdan çəkib, başqa qaba tökürük. 10 dəqiqədə soyuduqdan sonra, içərisinə cirə, sarıkök, duz, istiot səpib, qarışdırırıq. Əridilmiş yağı da töküb, qarışdırırıq. İçlik  hazırdır.

3.  Vaxt tamam olandan sonra, xəmiri kündələyib yaymağa başlayırıq. Çox yumuşaq və gözoxşayan xəmir alınır. 14 kündəyə bölüb, üzərini sellofanla örtürük ki qurumasın. Kənarda yağ əridirik. Kündələri bir, bir unlayıb, oxlovla çox nazik şəkildə yayırıq. Hər bir kündəni yaydıqdan sonra, üzərini yağlayırıq. Növbə ilə kündələri yayıb, yağlayıb, üst-üstə qoyuruq. Daha rahat olması üçün yaydığınız lavaşları digərinin üzərinə qoyarkən, kənarlarını dartıb uzada bilərsiniz. Sonda isə şəkildəki formada kəsirik. Kəsdiyimiz hissələri, rulon formasında büküb, içərisində alimizə deşik açırıq. İçliyi qoyub, bərkidirik. Əlimizlə qoğalları sıxıb, yastı və yumuru formaya salırıq. Qoğalları hazırladıqca üzərini sellofanla örtürük. Sonra üstünə yumurta çəkib, xaş-xaş və ya razyana səpib, 200 dərəcədə üzü qızaranadək bişiririk. 

NUŞ OLSUN!