• 500 qr yağlı qoyun əti

• 700 qr baş soğan

• 100 qr noxud ( bişmiş)

• 6 qr keşniş

• 6 qr reyhan

• 1 ədəd pomidor

• 1 xörək qaşığı qurudulmuş qızılgül ləçəyi

• 2 xörək qaşığı pomidor tomatı

• 30 qr düyü

• 50 qr əridilmiş kərə yağı

• 2 xörək qaşığı sirkə

• 1 xörək qaşığı şəkər tozu

• duz

• istiot

• sarıçiçək

İçlik üçün əti və 1 ədəd iri baş soğanı taxtada döyəcləyərək xırdalayın və qaba tökün. Düyünü yuyub ətin üzərinə əlavə edin. Xırda doğranmış göyərti (keşniş, reyhan), bişirilmiş noxud, duz, istiot, sarıçiçək vurub qarışdırın. 1 ədəd soğanı xırda doğrayıb yağda qızardın. 1 ədəd pomidoru doğrayıb qızardılmış soğana əlavə edib 1-2 dəqiqə bişirin. Daha sonra qiyməyə əlavə edib qarışdırın.

Qabığı soyulmuş soğanları azca duzlu suda pörtün.

Pörtülmüş soğanlar qat-qat bir-birinin içindən çıxarın.

Hazırladığınız içliklə soğanların içərisini doldurub qazana yığın. Dolmaların üzərinə çıxana qədər su tökün. 2 xörək qaşığı sirkəyə 1 xörək qaşığı şəkər tozu töküb qarışdırıb sirkə-şirə hazırlayın. Dolmanın üzərinə sirkə-şirə, duz, pomidor tomatı əlavə edib qarışdırın. Düyüsü bişdikdə dolma hazırdr. Süfrəyə lavaşla, çörəklə verin.

Nuş olsun!