Az/Ru
→ ↓

“Mokko” tortu

Порций:   Время приготовления:

Qəhvə və kakao ətirli dadlı tortu qəfil gələn qonaqlarınız üçün bişirib süfrəyə verə bilərsiniz.

Tərkibi:

Biskvit üçün:

  • 250 qr un

  • 1/4 çay qaşığı qabartma tozu

  • 4 xörək qaşığı kakao

  • 115 qr şəkər tozu

  • 2 ədəd yumurta

  • 150 ml duru yağ

  • 150 ml süd

Krem üçün:

  • 1 çay qaşığı qəhvə

  • 1 xörək qaşığı su

  • 300 ml yağlı qaymaq (35%)

  • 2 xörək qaşığı şəkər tozu

Hazırlanma qaydası:

Biskvit üçün unu qaba ələyin, üzərinə kakao, qabartma tozu, şəkər tozu, yumurta, süd və yağ əlavə  edib mikserlə çırpın. Xəmiri iki hissəyə bölün və bir hissəsini diametri 24 sm olan yağlanmış soba sinisinə tökün. Əvvəlcədən 180 dərəcə qızdırılmış sobada bişirin. Qalan xəmiri də bişirin və soyudun. Krem üçün suda qəhvəni  həll edin. Qaymağı qatılaşanadək çırpın. Qəhvəni qaymağa əlavə edib çırpmağa davam edin. Biskviti kremləyin, ikinci biskviti üzərinə qoyub yenə kremləyin. Tortun üstünə rəndələnmiş şokalad səpin. Tortu soyuducuya yerləşdirin və 1 gün qaldıqdan sonra dilimləyib süfrəyə verə bilərsiniz. Nuş olsun!
Метки записи: ,
Поделиться