Çığırtma plov

• 1 ədəd toyuq
• 4 baş soğan 
• 2 x/q əridilmiş kərə yağı
• 3 ədəd yumurta
• Duz, istiot

• 500qr uzun düyü
• 150 qr əridilmiş kərə yağı
• 1 x/q sarıkök

• 1 yumurta
• 1qaşıq xama
• 5 qaşıq süzülmüş düyü
• duz, istiot

Öncə soğanı yarıhalqa şəkilində nazik doğrayıb, bol kərə yağında zəif odda qızartmadan, qovurun.Toyuğu hissələrə bölüb, yuyub biraz qaynadın. Yarıbişmiş ətləri soğana əlavə edib, üzərinə toyuğun öz bulyonundan töküb, duz və istiot səpin. Zəif odda tam bişib, az qızaranadək qovurun. Sonda üzərinə yaxşı qarışdırılmış yumurta əlavə edib, bişirin. Çığırtma hazırdır

Plovu bişirmək üçün, düyünü duz əlavə olunmuş ilıq suya tökürük və aşı hazırlayacağımız qazana su doldurub qaynamağa qoyuruq. Su yaxşıca qaynayanda içinə duz və artıq yuyulmuş düyünü əlavə edirik. Düyü tam bişməmiş, ocaqdan götürüb süzürük.

Süzdüyümüz düyüdən 5 xörək qaşığını, yumurta və   xama ilə qarışdırıb qazmaq formasında qazanın dibinə yayırıq.Üzərinə qalan düyünü, sarıkökü və 150 qr ərinmiş kərə yağını əlavə edib az odda dəmə qoyuruq. 40 dəqiqəyə plovumuz da hazırdır. 

Çığırtmanı plovla birgə süfrəyə veririk. Nuş olsun!

Resept üçün Liza xanıma təşəkkürlər.