Bayram üçün Toyuq salatı

• 300 qr toyuğun döş əti
• 150 qr holland pendiri
• 4 ədəd yumurta
• 1 ədəd yerkökü
• 1-2 ədəd kivi
• 1 banka konservləşdirilmiş qarğıdalı
• mayonez
• duz, istiot (zövqə görə)

Öncə yerkökü və yumurtaları qaynadın. Toyuq ətini duzlu suda bişirib, əlinizlə didin. Yerkökünün qabığını təmizləyib sürtgəcin xırda gözündən keçirdin.  Yumurtaları və pendiri də həmçinin ayrılıqda xırda gözdən rəndələyin. Sonra isə işin ən maraqlı hissəsinə, salatı hazırlamağa başlayın. Geniş boşqabın ortasına ya xüsusi qab, ya da adı xrustal stəkan yerləşdirib, ərzaqları növbə ilə düzün. Öncə yumurtanı səpib, sonra mayonezləyin. Üzərinə didilmiş əti də səpib, mayonezləyin. Növbəti qat yerköküdür.

Yerkökünün üzərinə rəndələnmişpendir səpib, mayonezləyin. Salatın üzərini kivi və konservləşdirilmiş qarğıdalı ilə bu şəkildə bəzəyib, stəkan və ya digər qəlibi ehtiyyatla çıxardın. Salat hazırdır.

NUŞ OLSUN!